نيكول: أكره النكد وزوجي لا يتدخل في عملي

أكدت النجمة اللبنانية نيكول سابا إنها وجدت الكثير من مواصفات فارس أحلامها في زوجها الفنان يوسف الخال، واشارت إلى أنه لا يتدخل في عملها ولا يفرض رأيه عليها، ووصفت نفسها بالفرفوشة وقالت إنها تكره النكد.

وتابعت خلال استضافتها ببرنامج “أحلى كلام” من تقديم الفنان أحمد فهمى، المذاع على شاشة الحياة: أنا برج السرطان وبحب الحياة وفرفوشة وبحب الهزار وبكره النكد.
وتابعت نيكول سابا: أكتر حاجة بفتقدها فى طفولتى هو راحة البال لأن اهتمام الطفل هو تاكل وتلعب ومش شايل مسؤولية، وعيشت مرحلتين مرحلة مثالية وشاطرة جدا فى الدراسة، ومرحلة تانية وهى التمرد اللى هى المراهقة.

أضافت نيكول سابا: لدى شقيقتين ولكن نادين فى فترة لما والدى كان مسافر كنت انا بالنسبة لها بنتها، وباخد رأيها فى حاجات كتير فى حياتى واحنا زى والدتنا بنحب النشاط والحركة.

وواصلت نيكول، مؤكدة أن زوجها يوسف الخال فيه مواصفات كثيرة من فتى أحلامها الذى كانت تحلم به فى صغرها، ولا يتدخل فى اختيارتها الفنية، ولم يقل لها يوما “متعمليش الدور ده”.
ضافت: جوزى مش بيدخل فى اختياراتى، لكن بنأخد رأى بعض، لكن مش بيفرض رأيه، وفى الآخر بنسمع لبعض.

وتابعت نيكول: عمرى ما عملت دور مجاملة لحد من الممثلين أصحابى، باستثناء فيلم لأحمد السقا عملت مشهد عشان السقا نجم كبير.

وكشفت نيكول سابا عن بدايتها مع التمثيل قائلة: كنت بعمل أيام المدرسة عرض مسرحية ولقيت عندى جرأة أواجه الناس وان أخاطاب الجمهور وحسيت انى وقتها ممكن أكون ممثلة بس كنت بحب الغناء أكتر وقتها.

تابعت: كنت فى المدرسة أوقات بتسلى أعمل أعمال يدوية وابيعها لأصحابي، وأول أجر من الفن جيبت بيه عربية صغيرة اتعلمت عليها.