مريهان حسين مترددة بنشر صورتها أمام الكعبة

كشفت النجمة مريهان حسين عن ترددها قبل نشر صورها أمام الكعبة، أثناء أداء مناسك العمرة، وقالت إنها تعلم مسبقا أن بعض رواد السوشيال ميديا سيهاجمونها، ولكن أكثر ما يقلقها أن يكون نشر الصور سببا في تقليل الثواب، بشبهة الرياء.

مريهان رغم كل هذه الشكوك نشرت الصور عبر حسابها بموقع انستغرام، وأغلقت خاصية التعليقات أمام جمهورها، وعلقت على الصور قائلة: مع ان الصورة دي من احب صوري لقلبي.. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة و يعملوا فيها انهم مابيغلطوش ابدا و جايين يحكموا على ناس زيهم احكام هبلة و خلاص و هما مايعرفوش اللي بينك و بين ربنا ولا عمرهم هايعرفوه..

تابعت قائلة: بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض و انا ضيفة في بيت الله الحرام و بحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فايكون.. نعمة وجود ربنا فحياتنا اكبر من كل النعم.

واختتمت قائلة: انا حقيقي معرفش ازاي في ناس بتلحد و تنكر وجود ربنا و العياذ بالله وفي منهم اصحاب ليا و ناس بقابلهم و مع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك و يسرح فيه خيالك رب اكبر من كل كبير هو الأمان في الدنيا دي و كل من عليها فان.

يذكر أن الفنانة مايان السيد تعرضت مؤخرا لهجوم عنيف بعد نشر عدة صور لها وهي تجهش بالبكاء أمام الكعبة، واتهمها البعض بالتمثيل بحثا عن التريند والشهرة، بينما أكد البعض الآخر أن الاجواء الروحانية للبيت العتيق لا تليق مع أجواء التصوير.