مايا دياب تعلن تجميد بويضاتها

وضحت الفنانة اللبنانية مايا دياب أنها بدأت مرحلة تجميد البويضات، وحثت النساء عليها، وذلك خلال حوارها مع الفنانة نيللي كريم في برنامج “بصراحة مع” المذاع عبر قناة MBC1.

وقالت مايا دياب خلال اللقاء: “أنا في مرحلة تجميد البويضات، مش لأني عاوزة أجيب ولد، أنا دلوقتي عاوزة أجيب ولد طبيعي، بس بعد سنين لو عاوزة يكون عندي مخزون ومطمئنة”.

وأضافت: “أنا بشجع النساء على تجميد البويضات، خاصة إن اليوم السيدات صاروا يشتغلوا ومنتجين وعندهم دخل، وهذا الشيء بيخوف الرجل أكثر وأكثر، فيمكن الست ما تختار تتجوز بدري”.

وتابعت: “أنا مش مع الزواج المبكر، أنا مع الزواج الواعي جدا، لما البنت تقرر بكل إرادتها تتجوز وتعمل بيت وعيلة وولاد، وأنا طبعا عاوزة أتجوز تاني”.

وروت الفنانة مايا دياب، خلال حوارها مع الفنانة نيللي كريم، قصة تعرضها للتحرش الجسدي بعد نزولها من المسرح في واحدة من حفلاتها الغنائية.
وقالت مايا دياب: “للأسف ومش هقول البلد، نزلت عن المسرح في حفلة من حفلاتي، وفي إيد إتمدت عليا بقوة مخيفة من مجموعة ناس، وكان حواليا 6 حراس شخصيين.”

وأضافت: “عيب أقول كده، لكن كنت لابسة فستان مقفول وكبير زي بتوع باربي، والأيد إتمدت على مكان في جسمي لدرجة إني لفيت بكل قوتي وصرخت ووقفت، وشفته وقلت لهم هو ده.”

وتابعت: “جابوه وضربوه لغاية ما الدم نزل منه، لكن مروحتش من مكاني الحارس شالني عشان يجري بيا قلت له نزلني، وضربت اللي تحرش بيا برجلي على وشه، وبعدها فرحت وارتحت كتير”.