ريهام حجاج تساند عروس أثارت الجدل في مصر

شهدت مواقع التواصل الاجتماعي حالة من الجدل في اليومين الماضيين، بعدما أنتشر مقطع فيديو يوثق شروط عروس أثناء عقد القران، التي طلبت احترام أهلها وأقاربها وأبرزهم والدتها، وتعرضت العروس لانتقادات واسعة من رواد مواقع التواصل الاجتماعي، ما دفع الفنانة ريهام حجاج للتعليق على الواقعة ودعم العروس.

ساندت ريهام حجاج الفتاة وكتبت: “هو ليه الناس على السوشال ميديا بيستبيحوا سيرة الناس ويسعوا لخراب البيوت؟ عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي اللي ممكن يخرب بيتهم وتنشره على أنها بتهزئه وتحول فرحتهم لكابوس”.

وأضافت الفنانة المصرية عبر حسابها على موقع التواصل الاجتماعي “فيسبوك”: “ممكن يكون في احتمال نص في المية إن مش قصدها أو دي طريقتها في الكلام وأكيد هو عارف وبيتجوزها وحاببها زي ما هي؟! تعرف ظروفهم منين؟ مواقفهم؟ عدوا بإيه سوى في الخطوبة!! إيه إللي خلاها تقول كدا اصلا!! داخليات الناس ماحدش يعرفها بتشيلوا ذنوب و الله دا إللي ربنا قال عليه في القرآن الكريم من يفرق بين المرء وزوجه”.

وتابعت ريهام حجاج: “اتقوا الله افهموا الفرق بين حرية الرأي و الأذية افهموا الفرق بين اللي ممكن نتكلم فيه واللي مالوش لازمة التدخل فيه من الأساس ستحاسبوا أمام الله على كل دا”.

في السياق ذاته، خرجت أمنية طارق، عروس كفر الدوار، التي أثارت الجدل في اليومين الماضيين، أكدت أن حديثها كان بهدف الفرح بزوجها.

وقالت عروس كفر الدوار : “كنت عايزة أفرح جوزي بكلمتين وحبيت أفرحه بطريقتي وتفاجأت بهجوم الناس ومعملتش تصرف غلط ومش عارفة في إيه وأهلي وجوزي متبهدلين من التعليقات السلبية على السوشيال ميديابب.

وأضافت في مداخلة هاتفية في برنامج “حديث القاهرة” عبر فضائية “القاهرة والناس”: “بنشوف فيديوهات ناس بتحضن بعض ومفيش حد بيعلق.. هل الحضن حلال قدام الناس وأنا كلامي وحش قدام الناس، وحمايا كان واقف ورايا وفي ضهري، وإحنا ناس عاديين ولا طالبين تريند والكلام مأثر علينا نفسيا”، مؤكدة أنها وزوجها يقدران أهلهما كثيرا.