رانيا يوسف : أي مجهول عايز يتشهر يحشر اسمي

عبرت الفنانة المصرية رانيا يوسف عن استيائها من وضع اسمها في أغنية مغني الراب الجوكر “التالتة ممكن” والتي تتضمن رسائل للمطرب أبو يوسف.

وقالت رانيا خلال مداخلة هاتفية لها مع برنامج “كلام الناس” المذاع على قناة MBC مصر:”أنا بصور ومش فاضية للحاجات دي خالص ولا اعرف حاجة عنها”.

وتابعت “أي حد عايز يتشهر، أي مجهول ملوش أي كينونة بيحط اسمي في أي حاجة علشان يتشهر والواحد مش هيسيب حياته ويدور على ناس مجهولة عايزة تتشهر”

وعن رد فعلها قالت “زمان مكنتش فاهمة يعني إيه تريند بعدين اكتشفت أن أي حد عايز يعمل حوار ويتقري يحشر اسم رانيا وأي حد عايز يعمل مصيبة يحط اسم رانيا علشان يطلع تريند فخلاص مبقاش يفرق معايا”

وتابعت: “لو أي حد عاوز يعمل مصيبة يحط اسم رانيا علشان يتشاف، أنا فهمت اللعبة، ومبقتش تفرق معايا”.

وسبق وطرح الجوكر أغنية “التالتة ممكن”، على قناته الرسمية بـ”يوتيوب”، ضمن موسم الدسات أو البيف، الذي يدور بين مجموعة من مغني التراب في مصر، وهذا التراك هو رسالة موجهة من الجوكر لمغني التراب أبو يوسف.

جاء في كلمات التراك التي ذكرت اسم الفنانة رانيا يوسف، جملة كالآتي: انتو مكشوفين قصادنا زي مصلحة run يا يوسف.