بسمة وهبة تُدافع عن حسام حبيب وتُعاتب شقيق شيرين عبد الوهاب

خرجت الإعلامية بسمة وهبة، للدفاع عن الفنان حسام حبيب، ونفي الاتهامات التي وجهت له في واقعة حجز الفنانة شيرين عبد الوهاب في مصحة الإدمان والسبب في تعاطي هذا المخدر وسوء حالتها الصحية والنفسية، وما قاله شقيقه الفنانة في حقه حينما كان متزوجها، مؤكدة أن كل ما يقال عنه غير صحيح.

وتابعت بسمة وهبة في تصريحاتها التي أثارت الجدل في إذاعتها في لقاء لها مع ET بالعربي “حسام حبيب مش زي ما الناس فاكرة، وأنا لو حسام يسمح لي أتكلم أنا عارفة قصته وهو فيه إيه بالضبط بس مقدرش أتكلم لأني مأخدتش إذنه، حسام ممكن يكون عنده شيء يخليه يتصرف تصرفات ويزعل شيرين، لكن حسام مش مدمن ولا يتعاطى.

وتابعت بسمة وهبة في حديثها عن الفنانة شيرين عبد الوهاب قائلة: “مش بحب أحكي ولا أنشر علاقاتي بالناس، عندي لشيرين فويس نوت علشان أنزلها في البرنامج لكن مرضتش لأنه مش هيضيف ليها هو هيضيف ليا أنا، وشيرين مجني عليها وضحية هي إنسانة طيبة جدا”.

وتابعت بسمة وهبة حديثها عن شيرين عبد الوهاب: “هي محتاجة تبعد عن مصر فترة من الوقت وتستنشق هواء جديداً، تعيش في بلد سنة هي مشكلتها المهدئات والمنومات اللي كانت بتاخدها، وأنا مشفتش منها أكتر من كده ومليش دعوة باللي الناس بتقوله، هي محتاجة تعيد حساباتها وأنها تاخد قرارتها بنفسها هي عندها حالة من الخوف بتخليها دايما عاوزة حد جنبها سواء صديقة أو مديرة أعمال أو زوج، طول الوقت عاوزة عكاز.

وعاتبت بسمة وهبة في حديثها شقيق شرين عبد الوهاب بسبب صراحته وحديثه وتصريحاته الأخيرة التي كشف فيها كافة الخلافات وسبب ارتباطها بزوجها السابق حسام حبيب، قائلة: أنا زعلانة من شقيق شيرين ووالدتها مش في اللي عملوه لكن في اللي قالوه، هفترض أن الكلام دا حقيقي دي نجمة الوطن العربي إزاي أكشفها بالطريقة دي أنا اعترض، شيرين بنت مصر ومينفعش نجمة مصرية يتقال عليها كده.