شهيرة: “عندنا أقساط وديون والفن ليس للتسلية”

شنّت الفنانة الكبيرة شهيرة هجوماً عنيفاً على منتقدي الفنانين بسبب الأجور التي يُعلَن عنها في المواقع الإخبارية، مؤكدةً أن الفنانين مثلهم مثل أي فرد تترتب عليه مسؤوليات وديون وأقساط مدرسية، ويشعرون بالغلاء مثل أي شخص آخر، كاشفةً أن الفن ليس للتسلية والترفيه، بل هو مهنة مرهقة.

وقالت شهيرة في تصريحات صحافية إنها متعجبة من وصف البعض للفن بالتسلية، وأن الفنان لا يبذل أي جهد وتعب، موضحةً: “اللي يقول كده مش عارف حاجة”. وأضافت: “إحنا عندنا أقساط ومديونيات، وكل واحد عنده مشاكل مادية على قد احتياجاته، ويتقال الفنانين مش بيفرق معاهم الأسعار، لا طبعا بيفرق لأن أنا بكون متعودة طول عمرى اشتريها بعشرة قروش لما اشتريها بـ 50 مثلاً ما ده ضعط وزيادة عليا، وعلى قد احتياجاتي أو احتياجات أي إنسان، فأنا مهما أكون معايا فلوس تعبانة، فالناس متفكرش إن الفنانين مش بيفرق معاهم”.

وعن عدم بذل الفنان مجهوداً في عمله، قالت شهيرة: “اللي يقول كده يبقى عنده تخلّف عقلي أو فني أو معندوش فكرة عن أي حاجة في الحياة، لأن أكثر ناس بتطفح الدم هم الفنانين.. مفيش رحمة دول بيشتغلوا 20 ساعة مين يقول كده”.

واختتمت شهيرة حديثها بالقول: “على أيامي كنا بنشتغل بالـ12 ساعة لكن طبعاً في فرق كبير، عشان كده عمرو ابني دائماً يقولي إنتي فاكرة الدلع بتاع زمان لسة موجود دلوقتي… أقولّه أنا أدلع في أي وقت… بس قالّي إني مش هقدر أتحمّل عدد الساعات”.