علا غانم تردّ على تصريحات زوجها.. وهذا ما فعله بدليل براءتها

ردت الفنانة علا غانم على تصريحات زوجها الأخيرة التي أكد فيها أنها اعتدت هي ووالدتها عليه بالشوم وأصابتاه بعدة جروح في وجهه وذراعه

وقالت علا غانم في تصريحات صحافية: “هو بيقول إني اعتديت عليه الإدعاء دا غير صحيح أولا عشان أنا معايا في البيت اتنين عمال فقط وأمي اللي فوق الـ٧٠ سنة بس، إزاي هنعتدي عليه وعلى الناس اللي معاه اللي اقتحموا البيت”.

وأضافت: “وهو لو كان بيته زي ما بيقول ليه يجيب كل الناس دي ويجي يقتحمه وليه يشيل تسجيل الكاميرات اللي هو دليل براءتي الوحيد، إزاي بيته لا ده بيتي أنا ملكي أنا، مش بيته وهو لما بيقول إني حدفته بإزازة دا اتهام ليا ودا محصلش دول الناس اللي معاه كانوا بينطوا من شباك العمال وأنا والاتنين اللي معايا العمال كنا بنحاول نحمي البوابة وأول ما نزلت لاقيت دم على وشه أصلا يبقي إزاي اعتديت عليه. أنا بقالي 3 ايام في الشارع وهو قاعد هناك في البيت اللي بيدعي إنه بيته وهو بيتي أنا، لو كان بيته كان هيجيب كل الناس دي معاه ليه ويجيب المحامي بتاعه في البيت ليه”.