الحرب تشتعل بين نادين نسيب نجيم وديما صادق

دخلت الإعلامية اللبنانية ديما صادق في مشادة كلامية مع مواطنتها النجمة نادين نسيب نجيم، بسبب استخدام الأخيرة كلمة “زبّال” في ردّها على أحد منقدي حديثها عن الزلازل التي تُصيب منطقة الشرق الأوسط أخيراً.

وغرّدت نجيم في حسابها الرسمي على موقع “تويتر”: “هزّة أرضية هلئ صرلي من مبارح عم حس انه في شي غريب وما نمت مبارح بالليل”، فعلّق مغرد: “شوفي شو عم تاكلي بالليل قبل ما تنامي؟”، فردّت نجيم: “زبّال”.

وأعادت صادق تغريد ردّ نجيم معلّقة: “ولو؟ ولو؟! ممثلة لبنانية بتستعمل مهنة “الزبال” كشتيمة؟! شيء مخزي جداً انه يكون مستوى الوعي والانسانية والشعور والثقافة متدني لهذه الدرجة عند اشخاص بأثروا بملايين المعجبين. طبعا من المسلمات انه ما في شي مهين بأي مهنة، المهين للجنس البشري انه يكون في ناس يفكروا بهالطريقة”.

حبيبتي ديما انت معودة على المسبات و الشتايم بتحسّي حالك عندك قيمة انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان و نفسيته وسخة . يلي بنظف ما اسمه زبال و ما بعيطله زبال لانه بكون عم بجرحه هيك علموني بالمدرسة. https://t.co/1tnJIIOGba

— Nadine Nassib Njeim 🏆 (@nadinenjeim) February 22, 2023

ودفع هجوم صادق نجيم إلى الردّ: “حبيبتي ديما إنت معودة على المسبات والشتايم بتحسّي حالك عندك قيمة أنا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع. والزبّال هو يلي بكب وسخه وين ما كان ونفسيته وسخة. يلي بنظف ما اسمه زبال وما بعيطله زبال لانه بكون عم بجرحه هيك علموني بالمدرسة”.

وعادت صادق إلى التعليق مجدداً: “نادين ،انا لما اختار رد عادة بختار مستوى معين من الناس بيستاهلو الرد.عندي مستوى معين ما بنزل عنه.انا الناس اللي بتفتكر انه كلمة ومهنة زبال هي كلمة مهينة فهول ناس اكيد ما بنزل لمستوى الرد عليهن لسبب:انه حتى لو رديت مستواهم الفكري والثقافي ما بخولهم يفهمو الجواب،متل ما واضح من ردك”.

وأضافت: “فلهيك ما تتعبي حالك و تردي ع هل تويت لاني ما حرد، وفري ع حالك هالاحراج، احسن ما يقولو “ما تعبت حالها تنزل لمستواها وترد عليها”.

نادين ،انا لما اختار رد عادة بختار مستوى معين من الناس بيستاهلو الرد.عندي مستوى معين ما بنزل عنه.انا الناس اللي بتفتكر انه كلمة ومهنة زبال هي كلمة مهينة فهول ناس اكيد ما بنزل لمستوى الرد عليهن لسبب:انه حتى لو رديت مستواهم الفكري والثقافي ما بخولهم يفهمو الجواب،متل ما واضح من ردك. https://t.co/UjGXOEu1cV

— Dima ديما صادق (@DimaSadek) February 22, 2023