شيرين رضا تكشف عن سبب فرحتها بعد وفاة والدها

أحدثت شيرين رضا ضجة بأحدث تصريحاتها مع أنس بوخش في برنامجه ABtalks وتحدثت الفنانة المصرية عن منظومة الزواج ووصفتها بالفاشلة، وأثارت الجدل بالحديث عن فرحتها بعد وفاة والدها.

وخلال اللقاء أكدت شيرين رضا على أهمية أن يكون الزوج صديق، كما تطرقت للحديث عن الصداقة بين الرجل والمرأة فضلا عن مجموعة تصريحات فاجئت بها الجمهور.

وقالت شيرين رضا إنها فرحت بعد وفاة والدها وقالت: “كنت فرحانة لما أبويا توفي، لأنه آخر فترة في حياته كان عيان جدًا وأنا كنت زعلانة عشانه، لذلك لما توفي حسيت إنه إترحم أو بقى مرتاح أكتر، أنا بيوحشني أبويا اللي كان موجود، بس مش فترة المرض والتعب بتاعه».

واستكملت شيرين رضا حديثها عن الزواج قائلة: “الجواز فاشل.. زواجي الأول كان غلطة.. أنا بقيت حاسة إن الجيل الجديد مش هايتجوز لأن المسؤوليات كترت أوي، ومبقاش فيه حب، وبرضو من المشاكل اللي بشوف إنها موجودة في الجيل الحالي، إن العرب معظمهم كذابين عشان كدا بنضطر نحلف بنكذب باسم ربنا، لكن أمريكا مثلًا نسبة الكذب فيها أٌل والصدق أكتر، عشان كدا مافيهاش حلفان”.

وعبرت شيرين رضا عن بعض أحلامها قائلة: “أنا كان نفسي يكون عندي إخوات، على مدار سنوات طويلة كونت أصدقاء كتير جدًا، بس كان نفسي يكون عندي إخوات، يعني كل يوم بتجمع مع صحابي في الأخر كل واحد بيروح، لكن كان نفسي يكون عندي إخوات حقيقي، وبالمناسبة أنا جيت بعد سنوات من زواج أمي وأبي، لذلك أمي كانت مجنونة بيا، وبتهتم بكل تفاصيلي، بس للأسف كانت بتزعقلي كتير عشان خايفة عليا، أنا معملتش كدا مع بنتي».