نسرين أمين تعلق بطريقتها على خبر خطوبتها من شيكو

خلال حلولها ضيفة على برنامج “أسرار النجوم” الذي تقدمه الإعلامية إنجي علي عبر إذاعة وقناة “نجوم FM على “يوتيوب”، علقت الفنانة نسرين أمين على الأخبار التي انتشرت قبل فترة عن خطوبتها من الفنان شيكو.

وقالت نسرين: “إشاعة خطوبتي أنا وشيكو أنا فعلا ضحكت عليها جداً، صحيت الصبح لقيت شيكو بعتلي صورة ومكتوب عليها خطوبة شيكو ونسرين أمين، فضلت أقول شيكو مين ونسرين أمين وقولتله إيه الكلام الفارغ دا، دا أحنا مش مبنتقابلش دا مبنتكلمش في التليفون حتى جابوا الإشاعة منين؟”.

وتابعت: ناس معندهاش دم، طلع إن في صفحة على “فيسبوك” بتطلع أخبار غريبة لمجرد الناس تعمل لايك، في حاجات تعدي لكن في حاجات مؤذية يعني لو أنا مرتبطة بحد أو شيكو مرتبط هيبقى إيه”.

وأكملت: “كلام فارغ وهي صفحة عجيبة وبتطلع أخبار غريبة، وكل فنان عنده الصفحة الرسمية ولو في خبر أو عمل هيعلن عنه من خلالها”.

وأوضحت نسرين أمين أنها قد تخوض تجربة الزواج مرة ثانية لأن الحب شيء مهم في حياتها.

وعن ظهورها في إحدى حلقات برنامج المقالب الذي يقدمه الفنان رامز جلال كل عام في شهر رمضان، قالت نسرين: “السنة دي اتبهدلت بهدلة كبيرة في مقلب رامز واتصابت في إيدي، والمقلب جامد ومش سهل ومش أي حد يتحمله”.

وأضافت: “أنا معملتش في رامز اللي أنا عايزاه أوي عشان الكاميرات، وقولت اللي ينفع يتقال قدام الكاميرا”.

من ناحية أخرى، تشارك نسرين أمين في رمضان 2023 بمسلسل “بابا المجال” مع مصطفى شعبان وباسم سمرة وسوسن بدر وجومانا مراد ورياض الخولي وسماء إبراهيم ومحمود حافظ وأحمد كشك ومحمد رضوان وعارفة عبد الرسول وهبه حسن وفرح يوسف.