نصيحة جريئة من سمية الخشاب للسيدات المظلومات

وجّهت الفنانة سمية الخشاب، نصيحة جريئة للسيدات اللاتي يتعرضن للظلم في حياتهن، مؤكدة أهمية تمسك المرأة بحقوقها، وعدم تقبل الإهانة من الرجل، كما أشارت إلى أغرب هدية قُدمت لها من قبل.

وقالت سمية في تصريحات إعلامية: “أكتر حاجة بتعصبني لما حد يقع عليه الظلم، وبنصح الستات اللي بيتعرضوا للعنف إنهم ميقبلوش الإهانة أو يتم معاملتهم بشكل غير آدمي”.

وأضافت: “مينفعش تعدي وتقولي عشان الحياة تستمر لأن النهاية مش هتبقى كويسة وهتكرهي نفسك، وأتمنى يطلع قانون يعاقب أي راجل يتعامل بعنف مع أي ست لأن ربنا كرّم الست، والرسول قال رفقًا بالقوارير، وشبه الست بالقارورة لأن الإزار سهل كسره، وهي على قد ما هي قوية لكن مشاعرها ناعمة ورقيقة.

كما كشفت سمية الخشاب عن طبيعة شخصيتها عندما كانت طفلة، وقالت: “كنت شقية وأنا في المدرسة وبضرب أي حد يضايقني، وكسرت مرة دراع واحد زميلي في المدرسة بعد ما زقيته، وأغرب هدية جاتلي كانت سلحفاة”.