غادة عبد الرازق تكشف عن رأيها في أزمة الأسماء على التتر

كشفت الفنانة غادة عبد الرازق عن رأيها في أزمات ترتيب الأسماء على تترات الأعمال الفنية، والتي كثُرت في رمضان الماضي، ما أدى إلى حدوث خلافات بين بعض الفنانين.

وقالت غادة في تصريحات صحافية إنها لا تمانع في مشاركة البطولة مع نجم صف أول مثلها في عمل ما، قائلةً إن لا داعي لخلافات النجوم على التتر.

وأضافت: “معنديش مشكلة أعمل بطولة عمل مع نجم زيي، وأنا أكتر واحدة طالبت بده، ومن ست سنين مثلاً بطلب إن يكون في أفلام فيها نجوم كتير… ساعتها مش لازم نركز في حتة أسماء النجوم على التتر والخلافات عليها، لأن كلنا مشهورين ومعروفين ومش محتاجين نتحط على التتر أصلاً، إحنا نجوم بأسمائنا مش محتاجين التتر، وأؤيد فكرة إن لو عمل بيجمع عدد من نجوم الصف الأول إننا نلغي التتر”.

وعن أعمالها المقبلة في السينما، قالت غادة عبد الرازق: “عندي فيلم قريب إن شاء الله، وبيدّيني حالة جميلة أوي، وكنت بروح التصوير أضحك بس، لأن الواحد لما بيشتغل مع ناس حلوة، بتديله طاقة إيجابية”.