محمد شاهين يكشف موقفه من الزواج وحقيقة خلافه مع حمو بيكا

خلال لقائه في برنامج “كلام الناس” الذي تقدّمه الإعلامية ياسمين عز على قناة “mbc مصر”، كشف المطرب محمد شاهين عن رأيه في الزواج وسبب إلحاح والدته عليه بالزواج، وتحدث عن خلافاته مع مؤدي المهرجانات حمو بيكا.

وقال شاهين: “معنديش مشاكل مع حد خالص ومبكرهش حد، حمو بيكا معنديش مشاكل معاه، أيام الكورونا كنا عملنا أغنية ومحصلش نصيب إننا ننزلها وأنا طلبت إننا منزلهاش وهو استجاب ليا وبعدين اتقابلنا مع بعض، كان فيه سوء تفاهم في الأغنية وصمّمت إنها متنزلش وفعلاً منزلتش”.

وعن حقيقة زواجه ورأيه في الزواج، قال: “أنا متجوزتش لحد دلوقتي، وأمي على طول بتقول إنها عايزاني أتجوز، والزواج قَدر ونصيب وربّنا كاتبه في ميعاد معين وأنا مش مستعجل”.

وأضاف: “أنا بفكر في الزواج تفكير عقلاني ومش مع الحب الجارف، العقل لازم يقود في الزواج قبل القلب، والحب لا يدوم مثلما قال الدكتور مصطفى محمود، ولذلك يجب تحكيم العقل”.

واختتم محمد شاهين حديثه قائلاً: “أنا متربي على طبلية أبويا، الحمد لله مش أنا البني اآدم اللي شبع بعد جوع، مهما وصلت لنجاح مقدرش أنسى أصلي واللي ملهوش ماضي ملهوش مستقبل، وأول لما ربّنا كرمني جوّزت أختي وكنت مجهّز أطلع أبويا وأمي عمرة مع بعض بس الوالد توفي. اشتغلت مهنة كوافير رجالي وأنا صغير، وبالليل كنت بشتغل في الأفراح، وكنت دايماً بفكر أجيب القرش بالحلال”.