دياب يكشف عن أزمته الكبيرة: “خايف أقتل مراتي وأنا نايم”

حلّ المطرب الشعبي والممثل دياب ضيفاً على برنامج “صاحبة السعادة” الذي تقدّمه الإعلامية إسعاد يونس على قناة dmc، حيث كشف عن معاناته مشكلة كبيرة في أثناء نومه.

وقال دياب: “أنا برفس وأنا نايم ومراتي مظلومة معايا ظلم مش طبيعي وأنا ما ينفعش أنام في السرير محتاج أنام في الاستاد”.

وأضاف: “أكتر إصابة اديتها لمراتي هاجر الإبياري بسبب مشكلة الرفس، كانت الكوع، أنا ببقى نايم مش عارف بعمل إيه وألاقيها منهارة وهي مغمى عليها وبتعيط من الصبح للظهر وما ببقاش عارف أنا بعمل إيه بس دي مشكلتي”.

وأردف موضحاً: “فيه حاجات بتعصّبني في بعض المواقف وأنا صاحي وبكتمها جوايا علشان ما أزعلش حد وبيصعب عليَّ أضايق حد ولو دقيقة وعلشان كدا بطلّع العصبية دي بالرفس خلال النوم”.

وأنهى دياب حديثه بالقول: “أنا خايف أقتل مراتي بالخطأ وأنا نايم بسبب الرفس، ومحتاج عالم يفسر لي المشكلة دي، أنا ساعات بضرب وأشتم وأنا نايم وهي بتفضل تسألني مين الناس اللي كنت بتشتمهم دول؟ أقول لها دول أصحاب المواقف اللي عصّبتني”.