أحمد فهمي يُحدث ضجة بسخريته من زوجته هنا الزاهد

حلّ الفنانون أحمد فهمي ومحمد انور وأوس أوس، ضيوفاً على الإعلامي عمرو أديب في برنامجه “الحكاية” الذي يقدمه على قناة “mbc مصر” للحديث عن فكرة وكواليس فكرة فيلم “مستر إكس”، والذي تم عرضه في موسم أفلام عيد الأضحى 2023.

وقال أحمد فهمي، خلال اللقاء: “في البداية كنت بعمل فيلم تاني خالص غيره، وبعدين لقيت فادي دخل عليا وقالي حلو الفيلم ده، قالي فكرة الفيلم، وقولتله إلغي الفيلم وأنا هعمل ده، والحمد لله، وأوس أوس أول واحد كان معايا في الشغل، وبدأنا في تجميع أبطال العمل”.

وأضاف: “الحاجات اللي بشتغل عليها مش بحب أنزل اسمي عليها، في مؤلف وفي فكرة لمين، ولازم أتكلم مع المؤلف، وعايز أشكر محمد السبكي، علشان مش بيفرق معاه أي حاجة غير إن هو عايز يعمل فيلم حلو، وقولتله عايزين نعمل فيلم كوميدي صورته حلوة جدًا، ويبقى نقلة لينا كلنا على مستوى الصورة، وطول الوقت بيخاف على الصناعة، ومواقف ضيوف الشرف كلها كتبناها من غير ما نعرف مين اللي هيعملها.

وعن المنافسة في أفلام عيد الأضحى، قال فهمي: “أفلام العيد كلها كانت كبيرة وأول مرة يحصل في العيد، ولو في فيلم واخد إيرادات كبيرة لازم تعرف واخد كام شاشة عرض، تامر حسني نجم كبير وعلى راسي، وكريم عبد العزيز، والفيلم لما راح الخليج بياخد نفس قاعات العرض، وتقدر تقول مين جاب أكتر ولا أقل”.

وأردف: “لما بصحى بلاقي أكتر من حاجة معرفش أنا رقم كام في مصر، في السعودية بنقدر نعرف الإيرادات، وفي الآخر الشاشات اللي خدتها في مصر، ولو ادتوني شاشتين، هشتغل وأنجح، وفي آخر الصيف جمع كل حاجة وقولي أنا ترتيب كام، ولو الأخير”.

وعن التعاون مع زوجته الفنانة هنا الزاهد، قال: “في لغة بنتكلم فيها أنا وهنا بنغير أول حرف ونحط س، وهي بتعرف تقول الإفيه بوزنه، وبتقوله زي الولاد عادي، وصوت مش لايق على الشكل، تلاقي باربي بصوت علي الشريف، والفيلم قايم عليها”.