أحمد العوضي : حبي لياسمين عبد العزيز “حقيقي وطبيعي”

حسم الفنان أحمد العوضي أمر مشاركته في موسم المسلسلات المصرية لرمضان 2022، مؤكدا انسحابه من الموسم لرغبته في التفرغ لبطولة فيلم سينمائي جديد، سيقوم بالبدء في تصويره قريبا، لينافس بموسم أفلام عيد الأضحى، وبرر اختياره وزوجته ياسمين عبد العزيز كأفضل ثنائي رومانسي، بأن مشاعرهما حقيقية وطبيعية ولهذا الناس تتفاعل معها وتصدقها.

وقال أحمد العوضي خلال مداخلة هاتفية لبرنامج “زق عجلك”، الذي يذاع علي شعبي اف ام والبرنامج من تقديم شيماء السباعي وتامر جابر: أعلن انسحابي من رمضان 2022 لأني أستعد لفيلم جديد سيطرح في عيد الأضحى، وبالتالي لن أقدر على المشاركة في رمضان.

أضاف أحمد العوضى: الناس ممكن تكون بتحبنا أنا وياسمين عبد العزيز عشان إحنا طبعيين وحقيقيين، وأكيد بيحصل بينا مشاكل، بس المشاكل بين اتنين بيحبوا بعض بتبقى غير المشاكل بين اتنين متجوزين من أجل الجواز.

وأضاف أحمد العوضى: أنا اللي بصالح ياسمين الأول، وفكرة إن حد بيصالح الأول ده مش بيقلل من الواحد خالص، وأنا كراجل بؤمن إن الأفعال أبلغ من الأقوال”.

وتابع: أي حد بيحب واحدة لازم يقف جنبها وأنا ما عملتش حاجة زيادة في أزمة ياسمين الأخيرة، وعلي فكرة أنا طول الوقت بكون من الناس ومع الناس، وأنا صغير كنت بلعب بوكس، والرياضة كل حياتي، والناس تختصر الحب في حب الراجل لمراته والموضوع مش كده خالص، أنا ممكن أقول لأمي هابي فالانتاين.