شريف رمزي يكشف تطورات حالة شقيقه الصحية ويطلب الدعاء له

أربعة عشر شهراً أمضاها المنتج صلاح رمزي شقيق الفنان شريف رمزي في المستشفى وهو في غيبوبة تامة، دفعت الأخير للطلب من جمهوره الدعاء له بالشفاء العاجل، مؤكداً أن شقيقه يحتاج الى معجزة إلهية تنقذه مما هو فيه.

وقال شريف: “أخويا بقاله سنة وشهرين في غيبوبة… إحنا استسلمنا لقدرنا وراضيين، لكن أتمنى ربنا يشفيه ويرجع لنا من تاني، هو محتاج معجزة، وبطلب من كل الناس تدعي له… حالته موش مستقرة… يوم تتحسن يوم تسوء… ادعوله”.

وكان شريف رمزي قد أكد في تصريحات سابقة أن الحالة الصحية لشقيقه تحسنت بشكل طفيف، حيث قال: “في حركة بسيطة من إيديه، لكنه ما زال في الغيبوبة، والدكاترة قالوا إن مفيش تدخل جراحي تاني ولا سفر برا هيحسّن من حالته، هو خضع لعمليتين، واحدة في الجمجمة لتفريغ خُراج في المخ، والتانية بالعمود الفقري، لكنه لسه في غيبوبة لغاية دلوقتي، ومفيش أي تغيير في درجة الوعي نهائي”.

وكشف شريف رمزي أنه لم يرَ مثل هذه الحالات إلاّ في الأفلام والمسلسلات، وتكون من نسج خيال المؤلف، وقد صدمه مرور شقيقه بهذه الحالة، قائلاً: “مرينا بظروف صعبة، والحاجات دي كنا بنشوفها في الأفلام بس، لكن عمر ما حد كان يتخيل أبداً اللي مرينا بيه”.