الجمعة , يوليو 12 2024

الردّ الأول من مها أحمد بعد انتقادات حديثها بألفاظ خادشة

في ردها الأول على الانتقادات التي وجهت لها بسبب الفيديو الذي أثار الجدل خلال الساعات الماضية وظهرت فيه وهي تتلفظ بألفاظ خادشة وتصف منتقديها بالخادمات، خرجت الفنانة مها أحمد في بث مباشر عبر حسابها على تيك توك لتعلق على هذا الأمر قائلة: “إحنا بنطلع عشان مبنشتغلش، في الوسط مبنشتغلش ولقينا مجال زي السوشيال ميديا، ولو أنا مثلًا بعمل مسرح ولو فيه ناس بيجيبولي هدايا، وعندي أصدقاء بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي”.

وأضافت: “خلاصة الموضوع، إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـCV بتاعي وإني فنانة وموجودة حتى لو ماليش أعمال دلوقتي”.

ووجهت مها أحمد رسالة لشخص مجهول دون ذكر اسمه قالت فيها: “الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب، فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي”.

وتابعت: “كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع والرغي واللت والعجن وشتايم الناس وإني أسخر الأدمن اللي عندي يسجلوا كل اللايفات، ليه يعني؟”.

يذكر أن آخر أعمال مها أحمد، كان مسلسل “بيت الشدة”، والذ عرض مؤخراً وتعاونت فيه مع مجموعة كبيرة من الفنانين، والعمل من تأليف ماجي عبدالله وإخراج وسام المدني.

شاهد أيضاً

بعد صفعه لمعجب… هاني شاكر يدافع عن عمرو دياب

تحدث النجم هاني شاكر عن المشاكل التي تصيب الفنانين في الفترة الأخيرة، وأكد أن نقابة …