بالصور .. محمد رشاد يعلن ارتباطه بعد عام من انفصاله

بعد مرور عام على انفصاله عن طليقته مقدمة البرامج الرياضية مي حلمي، أعلن الفنان محمد رشاد عن ارتباطه من جديد.

وخلال لقائه مع برنامج ET بالعربي، أعلن محمد رشاد أنه سيرتبط مجددا ومن المقرر أن يحدد موعد الخطوبة خلال الفترة المقبلة.

ورد محمد رشاد على حقيقة توجيهه رسائل مبطنة لطليقته مي حلمي من خلال أغانيه وقال “مش بوجه رسائل مبطنة لحد، الموضوع مش مقصود، الفكرة إن ربنا بيبعتلي حاجة في الوقت ده والناس بتربط الأحداث ببعض وده مش حقيقي وأغنية أنا مش شمتان ملهاش علاقة بأي حاجة.

وتابع محمد رشاد “بتضايق من تعليقات الناس، إنك لما تكون في حتة تانية ومركز في شغلك، تلاقي الناس مصممة تربطك بحاجة تانية، وأنا كـ محمد رشاد، مهتم إني أسمع وأنفذ أغنية حلوة بشكل محترم، وماليش دعوة الناس هتستقبل الأغاني إزاي، عشان أنا بركز في الأغنية اللي بعدها.

وعن أغنية ابن الأصل، قال محمد رشاد “بتتكلم عن الشخص اللي بيتعامل بالأصول وبيقابل ناس مش حلوة في حياته ومش بتتكلم عني إنما دي حالة عامة ممكن يعيشها أي حد”.

فجرت مي حلمي مفاجأة بالحديث عن محاولتها الانتحار بعد طلاقها من المطرب محمد رشاد بسبب الخيانة الزوجية قائلة: “الخيانة وجعتني وعديت حاجات كتير قوي، عديت فرح وعديت ناس، وندمت جداً جداً إني عملت كده”.

ولفتت أن تلك هي المرة الأولى التي تتحدث فيها عن ظروف طلاقها قائلة:”أنا كنت بصرف على طليقي.. وساعدت بيتي وحياتي مش هو، الزوج أحسن له ينزل يبيع مناديل في الشارع ولا يوافق على إن مراته تصرف على البيت”.