مي الغيطي تتحدث عن كواليس عملها في هوليود

كشفت الفنانة مي الغيطي تفاصيل مشاركتها في مسلسل ديزني Kizazi Moto: Generation Fire بحلقة Stardust، حيث أكدت أنها انتظرت أكثر من عام حتى تنال تلك الفرصة قائلةً: “عملت تجربة أداء لديزني واستنيت سنة عشان يردّوا عليا فتوقعت إنهم خلاص مش مهتمين، أعتقد المخرج أحمد تعيلب هو اللي أصر إني أكون جزء من ده فأنا ممنونة له جداً لأنه شخص مبدع ونفسي الناس تبقى عارفة اسمه أكتر فهي تجربة حلوة قوي ومبسوطة إني جزء منها”.

وعن أول فيلم أجنبي شاركت فيه، وهو البريطاني Due Dating والذي قدّمت خلاله شخصية “بيرشا”، قالت مي الغيطي: “دوري جه بالصدفة أكتر لأنني قابلت المنتجة غيد أشا وهي كلّمتني بعد أسابيع تقولي إن عندهم مشروع متحمسين إني أكون جزء منه وكنت قلقانة لأني مش بتكلّم بريطاني، بس هما اللي خلّوا الشخصية ملاءمة أكتر لمي وقدراتها وزقّوني برا نقطة الراحة عشان أؤدي في فيلم كوميديا رومانسية انكليزي مختلف تماماً عن ثقافتنا وعن إحنا إيه بيضحكنا”.

أما عن سبب ابتعادها عن الغناء في الفترة الماضية فقالت الغيطي: “بحضّر لفيلم طويل مع المخرج عبد العزيز النجار ولسّة شغّالين عليه فانشغلت قوي بالتمثيل أكتر بس إن شاء الله أرجع تاني للغناء”.